Harmonize Leave Me Alone ft Abigail Chams - Uchambuzi

Lyrics

Baada ya miezi miwili kupita tangu Harmonize amshirikishe Abby Chams katika ngoma ya Closer hatimaye kwa mara nyingine tena mshindi huyo wa tuzo za Tanzanian Music Awards wamekutana na mwanadada huyo katika ngoma ya Leave me alone ambayo ni ngoma inayopatikana katika Albamu ya tatu ya Harmonize aliyoipa jina ya Made for Us ukiwa ni wimbo namba tatu katika Albumu hiyo.

Leave me alone inaweza kuwa ngoma ambayo Harmonize ameamua kuitoa kutokana na madongo anayoyapata kutoka kwa mashabiki mbalimbali haswa mara baada ya kuamua kuondoka WCB lebo ambayo iko chini ya msanii Diamond Platnumz.

Kwa Kondeboy hii siyo mara yake ya kwanza kuandika mashairi ambayo yamejaa safari yake ya mahangaiko aliyopitia mpaka sasa ila katika wimbo huu nyota huyu wa muziki wa Tanzania ameenda mbali zaidi na kuaminisha wanadamu ya kuwa hata wakijawa na chuki kiasi gani juu yake lakini kwa upande wake Mungu akimpenda inamtosha sana.
View more

Kutokea Kisima film video ya wimbo huu iliyojaa ubunifu imefanya na Director Majag ambaye pia amepitisha mikono yake katika video ya Kusah inayojulikana kama I don’t care pamoja na kazi ya Chunga kutoka kwa mshindi wa shindano la BSS Kayumba.